Perkawis nu Kalangkung 02

Naon bae sakaliring, sakur pangwuruk ramana, henteu aya nu mencog, 

di hartikeun ku duaan, sarta geus kamaranah, geus sumurup kana qalbu,

sadaya wuruk ramana.

Saparantosna mangarti, kana sadaya piwejang, dua putra lajeng wae,

amit ti payuneun Rama, ngalih ka sejen tempat,

caralik di tempat singkur, ngahusukeun wuruk rama.

Nu mimiti naros rai, nyaeta Raden Muslimat, ka rakana bari mando, 

hormat tumaros ka raka, saur Raden Muslimat, mugi engkang ulah bendu,

rehna rai kumalancang.

Kumawantun naros rai, kumargi raos pisan, rai masih keneh bodo, 

moal sapertos engkang dina perkawis Agama, nu ku Ama di pitutur,

rai tacan paham pisan.

Ngawalon Raden Muslimin, duh rai taya pamengan, ka engkang bade tumaros,

 naon sakapaham engkang, moal arek di kilungan, kajabi anu teu acan mafhum,

pun engkang moal tiasa.

Perkawis Agama suci, geura kieu sayaktosna, ku engkang baris di tektek,

di terangkeun mimitina, geuning kieu dalilna, dina hadist geus kamasyhur,

dalil tehkieu uninga.

Mimitina Awwalu Dinni, lajengna Ma'rifayullah, sundana kieu eta teh,

lamun rek lalakon Agama, wajib Ma'rifat heula, kana Dzat Allah nu Maha Agung,

supaya sah ibadahna.

Tapi rai sanes deui, hal ma'rifat ka dzat Allah, eta teh lainsapertos,

nganyahokeun kanu anyar, Hawadist basa arabna mah,

hawadist teh nu ngajentul, nu nyata aya buktina.

Tatapi masing kaharti, atawa ka elmu tea, sabab Allah ta'ala teh,

ceuk saksina Dzat laesa, kamislihi terasna, harina Dzat yang Agung,

 henteu aya umpamana.

Ngan dawuhan kangjeng Nabi, wajib nganyahokeunnana,

nganyahokeun diri maneh, diri anu sajatina, sabab kieu ceuk hadistna,

Waman aroffa nafsahu,faqad aroffa robbahu.

Jeung aya lajengna deui, man aroffa robbahu, faqad jahilan nafsah tea,

kieu pihartieunnana, saha-saha jelema, nyaho ka dirina kitu, 

tangtu nyaho ka pangerannana.

jeung saha nu geus nyaho deui kapangerannana, dirina geus tangtu ngarasa bodo,

tah eta kitu hartina, mangga geura manahan, dalilna eta teh kitu,

pikeun saksi ngelmu tea.

malah dawuhan kangjengNabi, Illa anna awwala nafsah,terasna teh Fardu 'ain,

kieu eta teh sundana, mimitina hal Ibadah, sing terang jatining hirup,

masing tepi ka 'aenna.

Sasat kudu katingal, sifat hirup sing ka pendak, jatining sahadat eta teh,

bibitna sagala rupa, nya hakekat Muhammad, awalna Muhammad kitu,

nyaeta Sagara Hayat.

 

Perkawis nu Kalangkung

Assalamualaikum warahmatullahi ta’ala wa barakatuh

Aya hiji Paribahasa #cenah “mipit kudu amit ngala kude menta”

Tos sakitu bae bubukana , Bilih se’ep waktosna

Bismillahirakhmannirakhim

Nuhun ijin sareng ridho keur Anjeuna Abdi bade medarkeun deui perkawis ieu nu kalangkung :

Iyeu anu rek di gurit, lalakon jaman ayeuna, hal salira anu jongkot, ngawincik alurannana, supaya jadi kabuka,

Ka buka tunggalna wujud, di papay ti memeh aya.

Nepi kana aya bukti, tina aya kana taya, geus aya bet ngalalakon, ngalaman di alam dunya, nyorang kana karamean,

 ayeuna baris di atur, urang papay ti asalna.

Tina tadi asal sepi, dina alam memeh aya, ari geus aya  bet jadi cekcok,

Sepi dina jaman Kun Dzat, Cekcok dina Jaman Kun Fayak, Kun Mutlaq geus sidik wujud, rupa sarupa-rupana.

Rupa teu kenging di salin, kitu tandana Kun Mutlaq, saperti rupa awewe, mun kitu sidik rupana,

Teu kenging di robah, rupa pameget nyakitu teu beunang di pindah-pindah.

Rupa istri pikeun istri, pameget keur rupa lanang henteu salah kituna the, eta tandana Kun Mutlaq, tapi iyeu ayeuna ku jisim kuring di atur, ku carita sangkan terang.

Kahiji ku Pamilih Kaduana ku umpaman, bade di damel lalakon, geura kieu cariosanna, Pan ieu urang gumelar, kersana Gusti Yang Agung,

Ngadegna gumelar sifat,

Henteu ujug-ujug bukti ngersakeunnana gumelar, sasat ngadamel lalakon, kieu ceuk papayannana, naming upami mufakat, rempug sareng dulur-dulur, mun teu cocok sae cempad.

Tapi pamugi simkuring, upama aya nu lepat, mugi kersa mere hartos, nyakitu deui basana, tangtos seueur nu lepat, mugi neda tawakuf,

Margi ngarang nembe pisan, Kecap Aya hiji Nagri, ngaran Nagri Raga Taya, ari nu mangku Bupatos anu Nyepeng, Raga Taya nelah jenengannana, ka mashur ku unggal Ratu, sang Prabu Jasadiah.

Dupi anu jadi Meswari,jenenggan Ratna Atiyah tunggal turunan Bupatos, teges terahing kusumah,estu layeut sami pisan, siang wengi taa jauh, babarengan taa pisah, kecap eta kanjeng Gusti tos kagungan dua putra, pameget langkung karasep, kacatur jenengannana, Raden Muslimin Cikalna, kaduana anu bungsu, katelah Raden Muslimat, teu kinten-kinten di asih, ku ibu rawuh ku rama, teu pilih kasih di enod, dua nana di palajar, Agama sareng elmuna, raka rai sami suhud, ngesto kapiwejang Rama.